Zentroak

Arkaitzek Uliazpiren Ategorrieta Zentroko Atseden Programan (ULIALDI) denbora asko egin duela eta, une honetan, Gautenak abian jarritako etxebizitza batera joan dela aprobetxatuz, Uliazpiko talde bat eta Gautenako beste talde bat elkartu gara elkarrekin zerbait hartzera joateko. Topaketa informal honek balio izan du, batetik, Arkaitz eta bere gelakideak agurtzeko, eta bestetik, Uliazpi eta Gautenako langileen artean harremanak egiteko. Topaketa benetan atsegina izan da eta bi erakunde hauetako profesionalen nahiz artatuen arteko harremanak gehiago estutzeko balio izan du.