Hemen zaude: Hasi > Uliazpi > Zentroak > Zizurkil - Fraisoro Zentroa

Zizurkil - Fraisoro Zentroa

Fraisoro Zentroa 1981. urtean inauguratu genuen. Eguneko Zentro bat dago bertan, 75 lagunentzako tokiarekin eta sei etxebizitza independente, guztira 65 lagunentzako tokiarekin. Fraisoro Finkaren barruan dagoenez gero, bertatik oso erraz joan gaitezke mendira nahiz herrira, eta tren-geltokitik ere oso hurbil dago. Era berean, Fraisoro Zentroak Atseden Zerbitzua eskaintzen du familien eta artatuen premiei erantzuteko.

 

Finkak 7.800 m² ditu, eta bertan, gune libreak (lorategiak) eta 4 eraikin berezi daude. Eraikin horretan 6 etxebizitzak behe-solairuan banatuak daude, eta denek sarbide zuzena dute lorategira. Administraziorako eta langeletarako zenbait espazio ere badaude (lehen solairuan). Eguneko Zentroaren eraikinak behe-solairua eta erdi-sotoa du eta 958 m² neurtzen du. Finkaren beste muturrean, beste bi eraikin bereiziak aurkitzen dira: sukaldea eta garbitegia. Sukaldea behe-solairuan dago, hozte-ganberak eta hornigai-gela ditu eta 90 m² neurtzen du. Garbitegia bi solairuko eraikin bat da, eta gainekoan, josketa-zerbitzua eta garbigelak daude, guztira 160 m² neurtzen duelarik.

 

Fraisoro Zentroan ondorengoek osatzen dute gure langile-taldea: sukaldariak, harbiketako langileak, Eguneko zentroko zaintzaileak, etxebizitza zaintzaileak, fisioterapeutak, musika-terapeuta, gidaria eta laguntzailea, garbiketako langileak, unitateko arduradunak, medikua, erizaina, gobernariak eta zentroko arduraduna, modu bateratuan lan egiten dutelarik erabiltzaileen eta beren senitartekoen premia eta eskakizunei erantzuteko.

 

Eguneroko jarduerak burutzeko, Fraisoro Zentroak ibilgailu propioak ditu: kotxe bat eta 9 plazako bi ibilgailu egokituak dira, erabiltzaileen mugikortasuna eta garraioa ahalbidetzen eta errazten duena.

Zentro honetako zerbitzuei buruzko Informazio gehiago.

 

Zentroko azken 5 jarduerak

• 2015/11/09

  [ Eguneko arreta ]

  Berioko Garaguneko lagunak etorri dira Carlos bisitatzera

• 2014/12/12

  [ Eguneko arreta ]

  Eguberria

• 2014/06/02

  [ Eguneko arreta ]

  Tolosako Azoka

• 2014/03/03

  [ Eguneko arreta ]

  Ostegun Gizen

• 2014/02/18

  [ Eguneko arreta ]

  Antzerkia ikustera