Hemen zaude: Hasi > Uliazpi > Zentroak > Donostia - Donostia Zentroa > ADIN TXIKIKOEN UNITA...

Zentroak

2013/01/10

ADIN TXIKIKOEN UNITATEAN ERE EGUBERRIAK DIRA

Haurrak ditugu Eguberrietako protagonista eta Donostia zentroko adin txikikoek hala izateko baldintza guztiak bete dituzte. Etxebizitza apaindu zuten eta ezin txukunago eduki dute Eguberri garai osoan, nahiz ez den batere erraza. San Tomas egunean alde zaharrera joan ziren Tomaxa ikustera eta erdialdetik bueltatxo bat ematera. Egun hauetan guztietan hirian barrena ikusgai egon diren Jaiotza ugariak ikusi dituzte, hala nola Gipuzkoa Plazakoa, Kutxaren jaiotza-erakusketa eta abar. Eguberrietako azoka txikia ikustera joan dira eta hirian paseatzen ibili dira Eguberrietako giroa bizitzeko. Arrakasta handieneko jardueretarako batzuk Kursaal eta Ficobako Gabonetako Haur Parkeetara egindako bisitak izan dira. Zentrora etorritako koroek abestutako gabon kantak eta hiriko kaleetan barrena ibili zirenak entzuten ere oso ongi pasatu dute.   Azkenik, Errege Magoaren bisita izan zuten, eta hark pertsonalki banan-banan banatu zizkien opariak. Benetan bizitasun handikoak izan dira bi aste hauek!

Irudi-galeria