TVE-REN “Nosotros También” PROGRAMAN HARTU DUGU PARTE
Joan den apirilaren 15ean, TVEko talde bat etorri zen gure zentrora, “Nosotros también programaren zati bat bertan grabatzeko. Programa horrek Adimen Urriko pertsonen errealitatearen hainbat alderdi jorratzen ditu hilean behin. Oraingoan, Adimen Urriko pertsonen Zahartzeari buruzko monografiko bat egitea zen helburua. Programan parte hartzeko eskatu ziguten, Uliazpik egoera horri nola heltzen dion azaltzeko. Grabatutakoa apirilaren 29an, igandea, eman zuten telebistan. Arazo teknikoak zirela eta, ordea, Gipuzkoan ezin izan zen bide analogikoz ikusi (baina bai bide digitalez). Beraz, programaren bideoa orrialde honetan eseki dugu, errealitate hori ezagutu nahi duten eta ikusteko modurik izan ez zuten guztientzat.
