Zerbitzuak

Aste honetan Legazpiko Garagune taldearen bisitaldia izan dugu Uliazpiren Ategorrieta Zentroan. Paulina, Eguzkiñe, Oihana, Maribel, Edurne, Juan Mari eta horien Ana monitorea Mireni bisitaldi bat egitera etorri dira. Miren Garagunera denbora luzean etorri den pertsona bat da eta orain Uliazpiren Ulialdi Programan sartuta dago. Gipuzkoako Foru Aldundiak sustatutako zerbitzua da Ulialdi eta atsedena hartzeko aukerak eskaintzen dizkie adimen urritasuna duten pertsonen familiakoei, eta horren laguntza izaten dute larrialdi egoeretan edo familiakoari arreta puntuala eskaintzea ezinezkoa dutenean ere.

Bisitaldi horretan Mirenen lagun-taldeak Mirenekin kafe bat hartzeko aukera izan zuen, eta argazki-saio batekin amaitu zuten bisitaldia.