Aurten hainbat heziketa-jarduera burutu ditugu, urte honetarako Heziketa Planean onetsita geratu ziren moduan. Azkeneko hiruhileko honetan, falta direnak egitea aurreikusita dugu. Gaiak era askotakoak dira eta Uliazpin ezarritako ildo estrategikoetatik (hartutako erabakietatik eta lege-eskakizunetatik sortuak) nola pertsonalak atzemandako edo iradokitako premietatik sortu dira. Honako gaiak aipa daitezke: larrialdi eta suteen itzalketarako neurriak, lantokiak husteko simulazioak, lehen sorospenak, bioetika, jarrera-higienea, mobbing-a edo jazarpen morala lanean, arrisku pertsonala duten egoera profesionalei positiboki aurre egiteko gizarte-gaitasunak, pertsonen kudeaketa, zahartzea eta ezgaitasuna, ezgaitasuna duten pertsonekin komunikatzea, nutrizioa eta dietak, epilepsia...
