BERDINTASUN ETA KONTZILIAZIOAREN MIKRODIAGNOSTIKOA ULIAZPIN
2017/03/08
ETORKIZUNA ERAIKIZ ekimenaren testuinguruan, Gipuzkoako Foru Aldundiak hamar enpresetan hamar esperientzia pilotu jarri ditu abian, 500 langileren parte-hartzearekin, eta ekimen horren bidez, emakumeen eta gizonen arteko aldeak gutxitu, familiako bizitza, lanekoa eta pertsonala uztartzeko bideak bilatu eta erantzukizun partekatua sustatu nahi da.
ULIAZPI dugu aukeratutako 10 enpresa horietako bat. Horretarako, mikrodiagnostiko bat egin da, eta horren helburua, Uliazpin ezarri beharreko jarduera-ildo eta irizpideen gaineko gomendio batzuk finkatzea da, erakundearen parte diren gizon eta emakumeen artean berdintasuna eta kontziliazioa sustatzearren, oro har erakundea indartuz, eta jarduerak modu eraginkor, iraunkor eta etengabe batean bultzatuz.
