ULIAZPIREN IKASTAROAK GOGOBETETASUN MAILA HANDIA LORTU DU
2019/09/10
Aurreko albiste batean ere aipatu genuen Uliazpik eta UPV/EHUko Hezkuntza, Filosofia eta Antropologia Fakultateak antolatuta uztailaren 18an eta 19an egin zen “Adimen eta garapen desgaitasuna duten pertsonentzako laguntza testuinguru naturaletan” ikastaroaren hasierako balorazioa positiboa izan zela. Esku artean ditugu jada bertan parte hartu duten ikasleei, irakasleei eta ikastaroaren zuzendaritzari egindako inkestetatik jasotako datu errealak. Datu horiek atxikitako fitxategian gaineratu ditugu, baina nabarmendu dezakegu ikasleek oso puntuazio handia eman diotela ikastaroaren balorazio orokorrari, 4,51eko mailara iritsi baita (0tik 5era).