Berriak

Azken asteotan Lehen Sorospenei eta Kanpo Desfibriladore Automatizatuak erabiltzeari buruzko ikastaroa eman da Uliazpiren zentro guztietan. Urgatz Sorospen Eskolako Xabier Aranburu izan dugu ikastaro horretan irakasle. Esperientzia handia du Donostiako Gurutze Gorrian. Ikastaroaren iraupena lau ordukoa izan da, eta honako eduki hauek landu dituzte:  Bizi zeinuak: biktimaren miaketa, aire bidearen buxadura: Heimlichen maniobra, oinarrizko bizi euskarria/Oinarrizko BBB eta KDA erabiltzea. Datuek erakusten dute ikastaro honek interes handia piztu duela langileengan: 100 pertsona inguruk hartu dute parte eta beren balorazioa positiboa izan da.

Erositako desfibriladoreak laneko zentroetan ezarri dira; zehazki, hamar desfibriladore Uliazpin.